မြန်မာနေရှင်နယ်လိဂ်သတင်းများ

[Hlu Maw]

အယ်မေးဒါးကို သဘောမကျဟု ဦးကြည်လွင် ဖွင့်ဟ~ဇော်မင်းထွန်းထက် နေမင်းထွန်းက ပိုကောင်းသည်ဟုဆို

မကွေးအသင်းနှင့် မနောမြေတို့ သရေကျခဲ့ပြီး နောက်တွင် မကွေးနည်းပြချုပ် ဦးကြည်လွင်က ပွဲထွက် အသုံးပြုခဲ့သည့် တီမော တိုက်စစ်မှူး အယ်မေးဒါး၏ ခြေစွမ်းကို သဘောကျ ကျေနပ်ခြင်း မရှိကြောင်း ဖွင့်ဟခဲ့သည်။ အယ်မေးဒါးသည် ထိုပွဲတွင် ပင်နယ်တီမှ မကွေးအတွက် ဦးဆောင်ဂိုး သွင်းယူပေးခဲ့သော်လည်း ပွဲချိန် တစ်လျှောက်တွင် အသင်းနှင့် ချိတ်ဆက်မိစွာ ကစားနိုင်ခြင်း မရှိခဲ့ပေ။

အယ်မေးဒါး၏ ကစားပုံနှင့် ပတ်သက်၍ ဦးကြည်လွင်က "အယ်မေးဒါး ကစားတာကို သဘောမကျပါဘူး။ ကွင်းထဲမှာ လုပ်ချင်တာ လုပ်နေတယ်။ ပေးထားတဲ့ ဂျူတီဖန်ရှင်တွေကို
လိုက်မလုပ်ဘူး။ နောက်ပွဲတောင် သုံးချင်မှ သုံးမယ်"ဟု ပွဲအပြီး သတင်းစာ ရှင်းလင်းပွဲတွင် ပြောကြားခဲ့သည်။ ထိုသို့ အယ်မေးဒါးကို ဝေဖန်ခဲ့သော်လည်း အသင်းခေါင်းဆောင် အဖြစ်
ပွဲထွက်ခဲ့သည့် နောက်ခံလူ ကာဇူကီကိုမူ ချီးကျူးခဲ့သည်။ "ကာဇူကီက ဒဏ်ရာရှိရက်နဲ့ ၀င်ကစားပေးတာပါ။ သူ ဒီပွဲမှာ အကောင်းဆုံး ကစားနိုင်ခဲ့ပေမယ့် ဒုတိယပိုင်းမှာ ကစားအား
ကျလာလို့ လူစားလဲခဲ့တာပါ"ဟု ဦးကြည်လွင်က ဆိုခဲ့သည်။


နည်းပြချုပ်၏ ဝေဖန်ခြင်းကို ခံခဲ့ရသည့် တီမော တိုက်စစ်မှူး မော်ရီလို အယ်မေးဒါး


ပြီးခဲ့သည့် ရာသီအကုန်တွင် ရတနာပုံသို့ ပြောင်းရွှေ့သွားခဲ့သည့် မကွေးအသင်းခေါင်းဆောင် ဇော်မင်းထွန်းမှာ လက်ရှိ အချိန်အထိ ရတနာပုံတွင် ခြေစွမ်းပြသ နိုင်ခြင်း မရှိသေးရာ အဆိုပါ အခြေအနေနှင့် ပတ်သက်၍ ဦးကြည်လွင်က "နောက်ခံလူ တစ်ယောက် ကောင်းတယ် ဆိုတာက သူနဲ့တွဲဖက်တဲ့ ပါတနာ အပေါ်မှာလည်း မူတည်တယ်။ သူပါတနာကို မှီခိုရတဲ့ အချိန်တွေ ရှိတယ်။ နှစ်ယောက် အတွဲညီမှလည်း ကောင်းမွန်တဲ့ ခံစစ်ကြောင်း ဖြစ်လာမှာပါ။ သူတို့က နာမည်ကြီးတာကို ကြည့်ပြီး ခေါ်သွားကြတာ။ တစ်ကယ်က သူနဲ့အတူ တွဲကစားတဲ့ နေမင်းထွန်းက ကောင်းတာ"ဟု ဆိုခဲ့သည်။

ဦးကြည်လွင်က ယခုပွဲ ရလဒ်နှင့် ပတ်သက်၍မူ ကျေနပ်ကြောင်း၊ နှစ်သင်းစလုံး ခြေစွမ်း တူညီနေသောကြောင့် မည်သည့်ရလဒ်မဆို ဖြစ်နိုင်ချေ ရှိသည့် ပွဲတစ်ပွဲ ဖြစ်ကြောင်း သုံးသပ်ခဲ့သည်။ မကွေးအသင်းသည် လက်ရှိအချိန်အထိ ရှုံးပွဲ မရှိသေးသည့် အသင်းဖြစ်ပြီး ပွဲစဉ် (၄) ကစားပြီးချိန်တွင် ရှုံးပွဲမရှိ သေးသည့် အသင်းမှာ မကွေးအသင်းအပြင် ဇေယျာရွှေမြေ တစ်သင်းသာ ရှိသည်။ မကွေးသည် (၄)ပွဲ ကစားပြီးချိန်တွင် (၁)ပွဲနိုင် (၃)ပွဲ သရေကျကာ ရမှတ်(၆)မှတ်ဖြင့် အဆင့်(၄)သို့ ရောက်ရှိနေသည်။
@soccermyanmar

[Hlu Maw]

မုံရွာကွင်းမှ ပရိသတ်များ၏ အပြုအမူ များကို စည်း/ထိန်းမှ စစ်ဆေးမည်~အသင်းများနှင့် ပူးပေါင်း အဖြေရှာမည်ဟု ပြိုင်ပွဲ ကျင်းပရေးမှ ဖွင့်ဟ

ပြီးခဲ့သည့် မြန်မာနေရှင်နယ်လိဂ် ပွဲစဉ် (၄)အဖြစ် ယှဉ်ပြိုင် ကစားခဲ့ကြသည့် ဇေယျာရွှေမြေ အသင်းနှင့် ရန်ကုန် ယူနိုက်တက် အသင်းတို့၏ ပွဲစဉ်တွင် ဖြစ်ပွားခဲ့သည့် ပရိသတ်များ၏ လုပ်ရပ်များအတွက် လိုအပ်သလို အရေးယူ ဆောင်ရွက်နိုင်ရန် မြန်မာနိုင်ငံ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီထံ ပြိုင်ပွဲကျင်းပရေး ကော်မတီမှ အစီရင်ခံစာ တင်သွင်းလိုက်ပြီ ဖြစ်ကြောင်း သိရသည်။

မုံရွာကွင်းတွင် ကျင်းပခဲ့သည့် အဆိုပါ ပွဲစဉ်တွင် ပွဲကြည့် ပရိသတ်များက ပြိုင်ပွဲ ကျင်းပနေစဉ်အတွင်း ကွင်းအတွင်းသို့ အရာဝတ္တုများဖြင့် ပစ်ပေါက်ခဲ့သောကြောင့် ပွဲကို (၃)ကြိမ်မျှ ရပ်နားခဲ့ရရာ ထိုဖြစ်ရပ်ကို စည်းကမ်းထိန်းသိမ်းရေး ကော်မတီထံ တင်ပြခဲ့ခြင်း ဖြစ်ကြောင်း သိရသည်။ ထိုသို့ စည်းကမ်း ထိန်းသိမ်းရေး ကော်မတီထံ တင်သွင်းခဲ့ခြင်းနှင့် ပတ်သက်၍ ပြိုင်ပွဲကျင်းပရေး တာဝန်ခံ ဦးရဲမျိုးဟိန်းက "ဇေယျာရွှေမြေနဲ့ ရန်ကုန် ပွဲကို ကျွန်တော် ကြည့်လိုက်ရတယ်။ ဒါကြောင့် ပွဲအပြီးမှာ ပွဲကြီးကျပ် (MC)ကို ဖုန်းဆက်ပြီး ပွဲထဲက အဖြစ်အပျက်တွေကို အသေးစိတ် ရေးတင်ဖို့ ပြောခဲ့ပါတယ်။ ဒီလိုလုပ်ရတာက ပရိသတ်တွေရဲ့ အပြုအမူတွေက ပြိုင်ပွဲရဲ့ ပုံရိပ်ကို ထိခိုက်စေတယ်လို့ ယူဆလို့ပါ"ဟု ပြောကြားခဲ့သည်။


"ကျွန်တော်တို့ အားလုံးကို လုပ်နည်းလုပ်ဟန် အတိုင်းပဲ လုပ်သွားမှာပါ။ ဖြစ်ပျက်တာတွေကို MC ရဲ့ ရီပို့တွေကို ကြည့်ပါတယ်။ နောက် ဒိုင်တွေရဲ့ ရီပို့တွေကိုလည်း ကြည့်ပါတယ်။ ပြိုင်ပွဲ ကျင်းပရေး စည်းမျဉ်းနဲ့ ညီညွတ်မှု မရှိတာကြောင့် ဒီနေ့ပဲ စည်းကမ်း ထိန်းသိမ်းရေး ကော်မတီကို တင်လိုက်ပါပြီ။ စည်းကမ်း ထိန်းသိမ်းရေးက လေ့လာပြီး လိုအပ်သလို အရေးယူမှု ပြုလုပ်ပါလိမ့်မယ်"ဟု ဦးရဲမျိုးဟိန်းက ဆက်လက် ပြောကြားခဲ့သည်။ ထိုပွဲတွင် ပရိသတ်များ၏ ကွင်းအတွင်းသို့ အရာဝတ္တုများဖြင့် ပြစ်ပေါက်ခဲ့မှုမှာ ရုပ်မြင်သံကြားမှ စောင့်ကြည့်နေသူများပင် မြင်သာခဲ့သည်။





ထိုဖြစ်ရပ်များ အပေါ် အရေးယူမှုကို စည်း/ထိန်းမှသာ ပြုလုပ်မည် ဖြစ်ပြီး မိမိတို့ ပြိုင်ပွဲ ကျင်းပရေး ကော်မတီ အနေဖြင့်မူ အလားတူ ပြဿနာမျိုး နောက်နောင် မဖြစ်ပွားစေရန် ဖြေရှင်းနိုင်မည့် နည်းလမ်းများကို လေ့လာနေကြောင်း ဦးရဲမျိုးဟိန်းက ဆက်လက် ပြောကြားခဲ့သည်။ "ကျွန်တော်တို့ အနေနဲ့ အခုလို ဖြစ်ရပ်တွေ နောက်နောင် ထပ်မဖြစ်အောင် ဘယ်လို လုပ်ရမလဲ ဆိုတာကို လေ့လာ နေပါတယ်။ အိမ်ရှင် အသင်းနဲ့လည်း ပရိသတ်ကို ထိန်းသိမ်းဖို့ ပူးပေါင်း အဖြေရှာ သွားမှာပါ။ မြန်မာ နေရှင်နယ်လိဂ်က ပရိုလိဂ်လို့ သတ်မှတ်ထားပေမယ့် နေရာတိုင်းမှာ ပရိုဆန်ဖို့ လုပ်နေရတုန်းပါ။ ကျွန်တော်တို့ အနေနဲ့ ပြစ်ဒဏ်ပဲ ချပြီး ကူညီမှု မပေးရင် မတရားရာ ကျပါလိမ့်မယ်"ဟု ဦးရဲမျိုးဟိန်းက ဆိုခဲ့သည်။

ဇေယျာရွှေမြေ အသင်းသည် အိမ်ကွင်း လက်ခံကျင်းပပုံ အားနည်းချက် များကြောင့် ယခင်ကလည်း ဘောလုံးအဖွဲ့ချုပ်၏ သတိပေးမှုကို ခံခဲ့ရဖူးသည်။ ၂၀၁၂ ခုနှစ် မတ်လ (၂၄)ရက်တွင် မုံရွာကွင်း၌ ဇေယျာရွှေမြေနှင့် ရတနာပုံတို့ ယှဉ်ပြိုင် ကစားခဲ့ရာတွင် ပရိသတ်များက အရာဝတ္တုများဖြင့် ပစ်ပေါက်ခဲ့ကြ သောကြောင့် ပွဲကို (၂)ကြိမ် ရပ်နားခဲ့ရရာ စုစုပေါင်း (၂၅)မိနစ်ခန့် ကြာမြင့် ခဲ့သည်။ ထိုအဖြစ် အပျက်များကြောင့် ဇေယျာရွှေမြေ အသင်းကို အိမ်ကွင်းလက်ခံ ကျင်းပရာတွင် အားနည်းချက်များ ရှိနေခဲ့သည်ဟု အဖွဲ့ချုပ်မှ သုံးသပ်ကာ သတိပေးမှု ပြုလုပ်ခဲ့ဖူးသည်။

ယင်းကဲ့သို့ သတိပေး ခံထားရ သော်လည်း ပရိသတ်များကို ထိန်းသိမ်းနိုင်စွမ်း နည်းပါးခဲ့သည့် ဇေယျာရွှေမြေ အသင်းအနေဖြင့် အိမ်ကွင်း ကျင်းပခွင့်ပင် ပိတ်ပင် ခံရနိုင်ကြောင်း ထင်ကြေးပေးမှုများ ထွက်ပေါ် လာခဲ့ရာ အဆိုပါ သတင်းများနှင့် ပတ်သက်၍ ဦးရဲမျိုးဟိန်းက "မုံရွာမှာ ပွဲကန်ခွင့် ပိတ်လိုက်ရင် ရေရှည်မှာ အသင်းရော၊ ပရိသတ်တွေနဲ့ ပြိုင်ပွဲပါ နစ်နာပါတယ်။ ကျွန်တော်တို့ ကတော့ ပရိသတ်တွေကို ဘယ်လို ပညာပေးရမလဲ ဆိုတာကို စဉ်းစား ပြင်ဆင်နေတယ်။ အင်္ဂလန်မှာ ဘောလုံး လူရမ်းကားတွေ ထိန်းခဲ့သလိုပေါ့။ စည်းမျဉ်း စည်းကမ်းတွေ နဲ့ရော ပညာပေးမှု တွေနဲ့ပါ ထိန်းသိမ်းသွားဖို့ ကြံရွယ် ထားပါတယ်"ဟု ဦးရဲမျိုးဟိန်းက ပြောကြားခဲ့သည်။
@soccermyanmar

[Hlu Maw]

ပွဲကျင်းပစဉ် မီးပျက်ခဲ့သည့် နေပြည်တော် အိမ်ကွင်းသို့ ပြိုင်ပွဲ ကျင်းပရေးမှ ထပ်မံစစ်ဆေးမည်

မြန်မာနေရှင်နယ်လိဂ် ပြိုင်ပွဲ၏ ပထမဆုံး ညပွဲအဖြစ် ကျင်းပခဲ့သည့် နေပြည်တော် အသင်းနှင့် ဟံသာဝတီ အသင်းတို့၏ ပေါင်းလောင်းကွင်း ပွဲစဉ်တွင် ပွဲကျင်းပနေချိန် အတွင်း မီးပျက်ခဲ့သည့် အတွက် အိမ်ရှင် နေပြည်တော် အသင်းကို ပြိုင်ပွဲကျင်းပရေး ကော်မတီမှ သတိပေးထားပြီး ပေါင်းလောင်းကွင်းကို ညကွင်းများ လက်ခံကျင်းပနိုင်ခြင်း ရှိမရှိ ထပ်မံ စစ်ဆေးဦးမည် ဖြစ်ကြောင်း သိရသည်။

ထိုကဲ့သို့ မီးပျက်ရခြင်းမှာ ပေါင်းလောင်းကွင်းတွင် အသုံးပြုထားသည့် မီးစက်များ၏ အားနည်းချက်ကြောင့် ဖြစ်ကြောင်း သိရပြီး ပွဲချိန်အတွင်း (၂)ကြိမ် မီးပျက်သွားခဲ့ကြောင်း သိရသည်။ အဆိုပါ ဖြစ်ရပ်အတွက် ပြိုင်ဘက်အသင်း ဖြစ်သည့် ဟံသာဝတီ အသင်းမှ တိုင်ကြားခြင်း မရှိသော်လည်း ပြိုင်ပွဲကျင်းပရေး စည်းမျဉ်းများနှင့် ညီညွတ်မှု မရှိသောကြောင့် နေပြည်တော် အသင်းကို သတိပေး ခဲ့ခြင်း ဖြစ်ကြောင်း သိရသည်။ "ပွဲချိန်အတွင်း မီးပျက်သွားတဲ့ ကိစ္စအတွက် နေပြည်တော် အသင်းပိုင်ရှင်နဲ့ ညှိနှိုင်းမှု ပြုလုပ်နေပါတယ်။ သူတို့က နောက်ထပ် မီးစက်တစ်လုံး ထပ်ဝယ်မယ်လို့ ပြောပါတယ်။ ဒီဖြစ်ရပ်အတွက် နေပြည်တော် အသင်းကိုလည်း သတိပေးထားပါတယ်။ သူတို့ကလည်း အားနည်းချက်အတွက် တောင်းပန်ထားပါတယ်"ဟု တာဝန်ရှိသူ တစ်ဦးက ဖွင့်ဟခဲ့သည်။

မြန်မာနိုင်ငံ ဘောလုံးအဖွဲ့ချုပ် ပြိုင်ပွဲ ကျင်းပရေး ကော်မတီ အနေဖြင့် နေပြည်တော် အသင်း၏ အိမ်ကွင်းအား ညပွဲများ လက်ခံနိုင်ခြင်း ရှိမရှိ နောက်တစ်ကြိမ် သွားရောက် စစ်ဆေးမည် ဖြစ်ပြီး ကျင်းပနိုင်ခြင်း မရှိဟု သတ်မှတ်ပါက ပုံမှန် ပွဲချိန် များ၌သာ ပြန်လည် ကျင်းပစေဖွယ် ရှိနေကြောင်းလည်း သိရသည်။

@soccermyanmar

[Hlu Maw]

နည်းပြချုပ် ဘောရစ်ဘန်ဂျက်အား စာချုပ်ဖျက်မည့် ရတနာပုံ~ယာယီနည်းပြ အဖြစ် အောင်ကျော်မိုးက တာဝန်ယူမည်

ရလဒ်များ ဆိုးရွားနေသောကြောင့် ပရိသတ်များ၏ ဝေဖန်မှုကို ခံနေရသည့် ရတနာပုံ အသင်းသည် ပွဲစဉ် (၄) ကစားပြီးချိန် အထိ အကောင်းဆုံး ဦးဆောင်မှုများ ပြုလုပ်နိုင်ခြင်း မရှိသေးသည့် နည်းပြချုပ် ဘောရစ်ဘန်ဂျက်ကို စာချုပ် ဖျက်သိမ်းမည် ဖြစ်ကြောင်း သိရသည်။


စာချုပ် ချုပ်ခဲ့စဉ်က ဘောရစ်နှင့် အသင်းပိုင်ရှင် ဒေါက်တာစိုင်း


နည်းပြချုပ် ဘောရစ်ဘန်ဂျက်အား "အသင်းနှင့် အံမ၀င်သောကြောင့် စာချုပ်ဖျက်သိမ်းရန် ဆွေးနွေး ညှိနှိုင်းလျှက်ရှိ"ဟု ရတနာပုံ အသင်းမှ ထုတ်ပြန်ခဲ့သည့် သတင်းတွင် ဖော်ပြထားပြီး တစ်ဆက်တည်းပင် အသင်း၏ ၀ါရင့် ကစားသမား တစ်ဦးဖြစ်သည့် အသင်းခေါင်းဆောင် အောင်ကျော်မိုးကို ကစားသမား/နည်းပြ အဖြစ် ယာယီတာဝန် ပေးလိုက်ကြောင်း ဖော်ပြထားသည်။


ကစားသမား/ နည်းပြအဖြစ် ရတနာပုံကို ယာယီ ကိုင်တွယ်မည့် အောင်ကျော်မိုး


ဘောရစ်ဘန်ဂျက်သည် ရာသီ အစတွင်ကမှ ထုတ်ပယ်လိုက်သည့် နည်းပြဟောင်း ဘော်ဂတ်ဇ်၏ နေရာတွင် အစားထိုး ခေါ်ယူခဲ့သည်။ အနောက်အာရှ နိုင်ငံများတွင် အတွေ့အကြုံ
များစွာရှိခဲ့သည့် ဘူလ်ဂေးရီးယား နည်းပြကြီးသည် ကစားသမားသစ် များစွာ အားဖြည့်ထားသည့် ရတနာပုံ အသင်းကို ရာသီအစတွင် ရလဒ်ကောင်းစေရန် စွမ်းဆောင်နိုင်ခြင်း မရှိခဲ့ဘဲ ပွဲစဉ် (၄)ပြီးချိန်တွင် ရှုံးပွဲ (၂)ပွဲအထိ ရှိနေခဲ့သည်။ ပြီးခဲ့သည့် ပွဲစဉ်(၄)တွင် တစ်ခါမျှ ရှုံးနိမ့်ဖူးခြင်း မရှိသည့် ဇွဲကပင် အသင်းကို ရှုံးနိမ့်ခဲ့ရာ အသင်းမှ ဘောရစ်နှင့် လမ်းခွဲရန် ဆုံးဖြတ်ခဲ့ခြင်း ဖြစ်သည်။ ဘောရစ်နှင့် လမ်းခွဲရန် ဆုံးဖြတ်ခဲ့ပြီးနောက် ရတနာပုံအသင်း တာဝန်ရှိသူများသည် ကစားသမားများ အားလုံး၏ လေးစားမှုကို ရယူထားနိုင်သည့် အသင်းခေါင်းဆောင် အောင်ကျော်မိုးကို ကစားသမား/ နည်းပြအဖြစ် ယာယီ ခန့်အပ်လိုက်ကြောင်း သိရသည်။ အောင်ကျော်မိုးသည် ရတနာပုံ အသင်းကို နောက်ထပ် ခန့်အပ်မည့် နည်းပြတစ်ဦး အသင်းသို့ ရောက်မလာမချင်း ယာယီ နည်းပြချုပ် အဖြစ် တာဝန်ယူနေရမည် ဖြစ်သည်။ ရတနာပုံသည် လက်ရှိ အချိန်တွင် နည်းပြတစ်ဦး ရှာဖွေလျှက် ရှိပြီး အသင်းကို အကောင်းဆုံး ဦးဆောင်နိုင်မည့် နိုင်ငံခြားသား နည်းပြ တစ်ဦးကို ရှာဖွေနေကြောင်း သိရသည်။
@soccermyanmar

[Hlu Maw]

ပရိသတ် ထိန်းချုပ်မှု အားနည်းသည့် အတွက် ဇေယျာရွှေမြေနှင့် နေပြည်တော် တို့ကို ပြစ်ဒဏ်ချမှတ်~ကွင်းအတွင်းဝင်ကာ စောဒက တက်သည့် ဦးထွန်းထွန်းလင်းလည်း ပွဲပယ်ခံရ

ပီးခဲ့သည့် မြန်မာနေရှင်နယ်လိဂ် ပွဲစဉ် (၄)တွင် ဖြစ်ပွားခဲ့သည့် ပရိသတ် အလွန်အကျွံ အားပေးမှုများကို ထိန်းချုပ်မှု အားနည်းခဲ့သည့် ဇေယျာရွှေမြေနှင့် နေပြည်တော် အသင်းများကို စည်းကမ်းထိန်းသိမ်းရေး ကော်မတီမှ စစ်ဆေးမှုများ ပြုလုပ်ပြီးနောက် ပြစ်ဒဏ်များ ချမှတ်လိုက်ပြီ ဖြစ်ကြောင်း သိရသည်။

ဇေယျာရွှေမြေနှင့် ရန်ကုန် ယူနိုက်တက် တို့၏ ပွဲစဉ်တွင် ဇေယျာရွှေမြေ ပရိသတ်များ အနေဖြင့် ပွဲချိန်အတွင်း ကွင်းထဲသို့ အရာဝတ္တုများဖြင့် ပစ်ပေါက်ခဲ့ သောကြောင့် ပွဲကို (၂)ကြိမ်ခန့် ရပ်နားခဲ့ရသည်။ အဆိုပါ ဖြစ်စဉ်အတွက် ဇေယျာရွှေမြေ အသင်းကို နောက်နောင် ကျင်းပမည့် အိမ်ကွင်းပွဲစဉ်များတွင် လုံခြုံရေးကို ယခုထက် ပိုမို အလေးပေး ဆောင်ရွက်သွားရန် စည်းကမ်း ထိန်းသိမ်းရေး ကော်မတီက သတိပေးခဲ့ပြီး ဒဏ်ကြေး အဖြစ် ငွေကျပ် (၅)သိန်း ပေးဆောင်ရန် သတ်မှတ်ခဲ့သည်။ ထို့အတူ နေပြည်တော် အသင်းနှင့် ဟံသာဝတီတို့၏ ပွဲစဉ်တွင်လည်း နေပြည်တော် အသင်း ပရိသတ်များက ပွဲကစားနေစဉ် အတွင်း အရာဝတ္တုများဖြင့် ကွင်းအတွင်းသို့ ပစ်ပေါက်ခဲ့ကြသည့် အတွက် နေပြည်တော် အသင်းကို ဒဏ်ငွေ (၅)သိန်း ပေးဆောင်ရန် ပြစ်ဒဏ် ချမှတ်ခဲ့ကြောင်း သိရသည်။


နေပြည်တော် ၃-၂ ဟံသာဝတီ ပွဲတွင် ကွင်းအတွင်း ၀င်ရောက် စောဒက တက်နေသည့် ဦးထွန်းထွန်းလင်း

အခြား ပြစ်ဒဏ်ချမှတ်မှု အနေဖြင့် နေပြည်တော်နှင့် ဟံသာဝတီ ပွဲမှာပင် နေပြည်တော်က ဒုတိယဂိုး ရရှိသွားပြီးနောက် ကွင်းအတွင်းထိ ၀င်ရောက်ကာ ပြင်းပြင်းထန်ထန် စောဒက တက်ခဲ့သည့် ဟံသာဝတီ အသင်း မန်နေဂျာ ဦးထွန်းထွန်းလင်းအား အနီးကပ်ဆုံး တစ်ပွဲကို ကွင်းအတွင်း ၀င်ရောက် ကြီးကျပ်ခွင့် ပိတ်ပင်ခဲ့ပြီး ဒဏ်ငွေ (၃)သိန်း ချမှတ်ခဲ့ကြောင်း သိရသည်။
@soccermyanmar

[Hlu Maw]

တယ်ရိုဆက်ဆနာနှင့် ခြေစမ်းမည်ဟု ရန်ကုန် အသင်း ထုတ်ပြန်ကြေငြာ

ရန်ကုန် ယူနိုက်တက်သည် လာမည့် ဖေဖော်ဝါရီ (၁၆)ရက်တွင် ထိုင်းပရီးမီးယားလိဂ် ထပ်သီးကလပ် အသင်း တယ်ရိုဆက်ဆနာနှင့် ခြေစမ်းပွဲ တစ်ရပ် ကစားမည် ဖြစ်ကြောင်း ထုတ်ပြန် ကြေငြာခဲ့သည်။

တယ်ရို ဆက်ဆနာသည် ပြီးခဲ့သည့် ၂၀၁၂ ထိုင်း ပရီးမီးယားလိဂ် ပြိုင်ပွဲတွင် အဆင့်(၃) ရရှိခဲ့သည့် အသင်းဖြစ်ပြီး မတ်လ(၂)ရက်နေ့တွင် ပြန်လည် စတင်မည့် ထိုင်းပရီးမီးယားလိဂ် ရာသီသစ်အတွက် အကြိုပြင်ဆင်မှု အဖြစ် ခြေစမ်းပွဲများ ကစားလိုသဖြင့် ရန်ကုန် ယူနိုက်တက်သို့ ကမ်းလှမ်း လာခဲ့ခြင်း ဖြစ်ကြောင်း သိရသည်။ ရန်ကုန် ယူနိုက်တက် ကလည်း မတ်လ(၅)ရက်တွင် စတင် ကစားရမည့် AFC Cup အုပ်စုပွဲစဉ်များ အတွက် နိုင်ငံခြား ကလပ်အသင်း တစ်သင်းနှင့် ခြေစမ်းပွဲ ကစားလိုနေ သောကြောင့် တယ်ရိုဆက်ဆနာ အသင်း၏ ကမ်းလှမ်းမှုကို လက်ခံလိုက်ခြင်း ဖြစ်ကြောင်း သိရသည်။ တယ်ရို ဆက်ဆနာသည် ပြီးခဲ့သည့် ဘောလုံးရာသီ မစမီကလည်း မြန်မာနိုင်ငံသို့ ခြေစမ်းပွဲများ လာရောက် ကစားခဲ့ဖူးပြီး ထိုစဉ်က ရန်ကုန် ယူနိုက်တက်နှင့် တွေ့ဆုံခဲ့ရာတွင် (၀-၂)ဂိုးဖြင့် အနိုင်ရခဲ့သည်။


ရန်ကုန်နှင့် ခြေစမ်းမည့် တယ်ရိုဆက်ဆနာ အသင်း

တယ်ရိုဆက်ဆနာတွင် ခြေစွမ်းမြင့် ကစားသမားများ ပါဝင်လျှက် ရှိပြီး အသင်း၏ အဓိက တိုက်စစ်မှူး ကလင်တန် ဆေးလ်ဗားမှာ ပြီးခဲ့သည့် ၂၀၁၂ ထိုင်း ပရီးမီးယားလိဂ် ဘောလုံးရာသီတွင် သွင်းဂိုး (၂၄)ဂိုးဖြင့် ဂိုးသွင်းဘုရင် ဖြစ်ခဲ့သူ ဖြစ်သည်။ ထိုကဲ့သို့ တယ်ရို ဆက်ဆနာနှင့် ခြေစမ်းပွဲ ကစားဖြစ်ခဲ့ခြင်း အတွက် ရန်ကုန် နည်းပြချုပ် အိုင်ဗန်ကိုလက်ဗ်က ၀မ်းမြောက်နေကြောင်း သိရသည်။ ကိုလက်ဗ်သည် အဆိုပါ ခြေစမ်းပွဲမှ AFC Cup ကစားရမည့် ရန်ကုန် အသင်းအတွက် အကျိုးဖြစ်ထွန်းရန် မျှော်လင့်လျှက် ရှိပြီး ထိုခြေစမ်းပွဲတွင် အသင်း၏ အဓိက ကစားသမားများကို ပွဲထုတ်နိုင်ရန်လည်း မျှော်လင့်လျှက် ရှိကြောင်း သိရသည်။ ရန်ကုန်နှင့် တယ်ရိုဆက်ဆနာ အသင်းတို့၏ ခြေစမ်းပွဲကို သုဝဏ္ဏကွင်းတွင် ညနေ (၄)နာရီ၌ ကျင်းပမည် ဖြစ်ပြီး ကွင်းဝင်ကြေးကို အထူးတန်း (၁၀၀၀)ကျပ်နှင့် ရိုးရိုးတန်း (၅၀၀)ကျပ် သတ်မှတ်ထားကြောင်း သိရသည်။
@soccermyanmar

[Hlu Maw]

ရင်ဘတ် စပွန်ဆာအတွက် M-150 အချိုရည်နှင့် ရတနာပုံတို့ ဒေါ်လာ (၂)သိန်းတန် စပွန်ဆာ စာချုပ်ချုပ်ဆို

ထိုင်းနာမည်ကြီး အချိုရည် အမှတ်တံဆိပ် တစ်ခုဖြစ်သည့် M-150 နှင့် ရတနာပုံ ဘောလုံး အသင်းတို့၏ စပွန်ဆာ စာချုပ်ချုပ်ဆိုပွဲကို ယနေ့နံနက်က Park Royal Hotel တွင် ကျင်းပခဲ့သည်။ M-150 အချိုရည်သည် ရတနာပုံ အသင်းနှင့် ဂျာစီရင်ဘတ် စပွန်ဆာ အတွက် စာချုပ်ချုပ်ဆို ခဲ့ခြင်း ဖြစ်ပြီး M-150 အချိုရည် အမှတ်တံဆိပ်ကို ရတနာပုံအသင်း၏ ဂျာစီရင်ဘတ် ပေါ်တွင် (၅)နှစ် ကြော်ငြာသွားရန် သဘောတူညီ ထားကြောင်း သိရသည်။


M-150 တံဆိပ် ရိုက်နှိပ်ထားသည့် ရတနာပုံအသင်း ဂျာစီကို ပြသနေသည့် ဒေါက်တာစိုင်းနှင့် မစ္စတာ ကိတ်ဒီဟာနစ်

ရတနာပုံသည် စပွန်ဆာကြေးအဖြစ် ပထမနှစ်တွင် ဒေါ်လာ (၂)သိန်း ရရှိမည် ဖြစ်ပြီး ကျန်နှစ်များတွင် စပွန်ဆာ ကြေးငွေမှာ ပိုမိုမြင့်တက်လာဖွယ် ရှိကြောင်း ရတနာပုံ အသင်းပိုင်ရှင်
ဒေါက်တာ စိုင်းဆမ်ထွန်းက ပြောကြားခဲ့သည်။ အဆိုပါ စပွန်ဆာ စာချုပ်ကြောင့် ရတနာပုံသည် မြန်မာနေရှင်နယ်လိဂ် ပြိုင်ပွဲဝင် အသင်းများ အနက် ပြည်ပစီးပွားရေး လုပ်ငန်းတစ်ခုနှင့် ပထမဆုံး ဂျာစီရင်ဘတ် စပွန်ဆာ စာချုပ် ချုပ်ဆိုနိုင်ခဲ့သည့် ပထမဆုံး ဘောလုံး ကလပ်အသင်း ဖြစ်လာခဲ့သည်။ ရတနာပုံသည် အသင်းဂျာစီများ အတွက်လည်း တရုတ်အားကစား ပစ္စည်း လုပ်ငန်းတစ်ခု ဖြစ်သည့် ERKE နှင့်လည်း စာချုပ်ချုပ်ဆို ထားသည့် အသင်းဖြစ်သည်။

မြန်မာနေရှင်နယ်လိဂ် ကလပ်အသင်းများ၏ ရင်ဘတ် စပွန်ဆာများ


Team                       Company

Zeyar Shwe Myay      Sky Net

Yangon Utd               Air Bagan

Kanbawza                 KBZ

Magwe                     Jomoo, Green Luck

Southern Myanmar      Yazana

Zwekapin Utd             -

Nay Pyi Taw               Ujazz

Yadanarbon                M-150

Manaw Myay              -

Ayeyawady Utd           -

Hantharwady Utd         -

Rakhine Utd                -

@soccermyanmar

[Hlu Maw]

ကွန်မြူနတီဖလား ပြိုင်ပွဲမှ ရရှိသည့် အလှူငွေများကို လှူဒါန်းပွဲပြုလုပ်~ဧရာဝတီ ဖောင်ဒေးရှင်းမှ သိန်းတစ်ရာ ထပ်မံထည့်ဝင်

၂၀၁၃ ဘောလုံးရာသီ အကြို ကွန်မြူနတီဖလား ပြိုင်ပွဲမှ ရရှိခဲ့သည့် ကွင်းဝင်ကြေး အပါအ၀င် အလှူငွေများကို သက်ဆိုင်ရာ ပရဟိတ စာသင်ကျောင်းများနှင့် မိဘမဲ့ ဂေဟာများသို့ ပေးအပ်လှူဒါန်းပွဲ အခမ်းအနားကို ယနေ့နံနက်က မြန်မာနိုင်ငံ ဘောလုံးအဖွဲ့ချုပ် တည်ရှိရာ Goal Hotel ၏ အစည်းအဝေး ခန်းမတွင် ကျင်းပခဲ့သည်။

အခမ်းအနားတွင် ကနဦး အလှူငွေ ကျပ်သိန်း (၁၀၀)ကိုသာ ပရဟိတ စာသင်ကျောင်းများနှင့် မိဘမဲ့ ဂေဟာများကို ခွဲဝေ လှူဒါန်းရန် စီစဉ်ခဲ့သော်လည်း မြန်မာနိုင်ငံ ဘောလုံး အဖွဲ့ချုပ် ဥက္ကဌ ဦးဇော်ဇော်က အလှူငွေ ကျပ်သိန်း (၁၀၀) ထပ်မံ ပေါင်းထည့် ပေးခဲ့သောကြောင့် စုစုပေါင်း ကျပ်သိန်း (၂၀၀) လှူဒါန်းနိုင်ခဲ့သည်။ ရန်ကုန် ယူနိုက်တက်နှင့် ဧရာဝတီ ယူနိုက်တက်တို့ ယှဉ်ပြိုင် ကစားခဲ့ကြသည့် ကွန်မြူနတီ ဖလား ပြိုင်ပွဲတွင် ရရှိခဲ့သည့် ကွင်းဝင်ကြေးမှာ ငွေကျပ် (၁၀)သိန်းသာ ရှိသော်လည်း မြန်မာနေရှင်နယ်လိဂ် အသင်းပိုင်ရှင်များနှင့် အဖွဲ့ချုပ် ဥက္ကဌတို့ စုပေါင်းကာ ငွေကျပ် သိန်း(၉၀) ထည့်ဝင်ခဲ့ကြသောကြောင့် အလှူငွေ သိန်း (၁၀၀)ကျပ် ရရှိခဲ့သည်။ အဆိုပါ အလှူငွေ သိန်း (၁၀၀)ကျပ်ကို တွံ့တေးမြို့နယ်၊ ဘုရားကြီးကျေးရွာရှိ မင်္ဂလာ ပရဟိတ ဘုန်းတော်ကြီးကျောင်းသို့ ကျပ်သိန်း (၃၀)၊ ပဲခူးတိုင်း ဒေသကြီး ရွှေကျင်မြို့နယ်ရှိ ပညာ့ဗိမာန် ပရဟိတ ဘုန်းတော်ကြီးကျောင်းသို့ ကျပ်(၂၅)သိန်း၊ ဧရာဝတီတိုင်း ဒေသကြီးမှ နာဂစ်မုန်တိုင်း ဒဏ်ခံဒေသ တစ်ခုဖြစ်သည့် ဒေးဒရဲမြို့နယ်ရှိ မိဘမဲ့ မသန်စွမ်းနှင့် ချို့တဲ့နွမ်းပါး ကလေးငယ် များ၏ ပညာသင် စရိတ်အတွက် အလှူငွေ ကျပ်သိန်း (၂၀)နှင့် မကွေးတိုင်း မင်းဘူးမြို့နယ်ရှိ မဇ္ဖျိမလွင်ပြင် လူမှုကွန်ယက် အဖွဲ့သို့ ငွေကျပ် (၂၅)သိန်း တို့ကို အသီးသီး လှူဒါန်းရန် စီစဉ်ထားခဲ့သည်။



သို့သော် အဖွဲ့ချုပ် ဥက္ကဌ ဦးဇော်ဇော် တည်ထောင်ထားသည့် ဧရာဝတီ ဖောင်ဒေးရှင်း ကလည်း ငွေကျပ်သိန်း(၁၀၀) ထပ်မံထည့်ဝင် လှုဒါန်းခဲ့ရာ တစ်ကျောင်းလျှင် အလှူငွေ ကျပ်(၂၅)သိန်းစီ ထပ်မံ လှူဒါန်းနိုင် ခဲ့သည်။ ထို့အပြင် မြန်မာနိုင်ငံ ဘောလုံး အဖွဲ့ချုပ်မှလည်း တစ်ကျောင်းလျှင် ဘောလုံး (၅)လုံးစီ လှူဒါန်းခဲ့သေးကြောင်း သိရသည်။ ထိုသို့ လှူဒါန်းခဲ့ရခြင်းနှင့် ပတ်သက်၍ ဦးဇော်ဇော်က "မြန်မာလူမျိုးမှန်ရင် ပရဟိတ စိတ်ဓါတ်ရှိပါတယ်။ ကျွန်တော်တို့ လူမျိုးလို စိတ်ဓါတ်မျိုးကို ဘယ်နိုင်ငံမှာမှ ရှာလို့မရပါဘူး။ ရပ်ကွက် ကျေးရွာ ဆွမ်းလောင်း အသင်းတွေ ရှိတာလည်း ဒီသဘော ပါပဲ။ ကျွန်တော်တို့ ရွာမှာ နေတုန်းက ရွာထဲက ဘယ်အိမ်မှာ အိမ်မိုးမယ် ဆိုရင် လူငယ်တွေ စုပြီး သွားကူညီကြတာပါ။ သူများကို ကူညီဖို့ဆို မြန်မာလူမျိုးက သိပ်ကို စိတ်ထက်သန်ပါတယ်။ ဒီအလှူပွဲက ကွန်မြူနတီ ပွဲတုန်းက လာကြည့်ကြတဲ့ ပရိသတ်တွေနဲ့ ဘောလုံး အဖွဲ့ချုပ်၊ ကလပ်အသင်းတွေ ပေါင်းပြီး လုပ်တဲ့ အလှူပွဲ လေး တစ်ခုပါ"ဟု ပြောကြားခဲ့သည်။
@soccermyanmar

[Hlu Maw]

နေပြည်တော်ကို ဒုတိယပိုင်း သွင်းဂိုးများဖြင့် ရန်ကုန် အနိုင်ယူ

ယနေ့ညနေက ရန်ကုန် ယူနိုက်တက်နှင့် နေပြည်တော်တို့ ရန်ကုန်ယူနိုက်တက်ပိုင် မြက်ခင်းတုကွင်းတွင် မြန်မာနေရှင်နယ်လိဂ် ပွဲစဉ်(၅)အဖြစ် ယှဉ်ပြိုင် ကစားခဲ့ရာ ရန်ကုန်က ကျော်ကိုကို၊ ကိုနေး တို့သွင်းယူသော ဂိုးများဖြင့် နေပြည်တော်ကို အနိုင်ရခဲ့သည်။  ရန်ကုန်သည် ယခုပွဲကို အနိုင်ရခဲ့သော်လည်း ခြေစွမ်း အကောင်းဆုံး မရှိခဲ့ဘဲ ပွဲချိန် တစ်လျှောက်တွင် ရုန်းကန်ခဲ့ရသည်။

ရန်ကုန်တွင် နိုင်ဇေယျာထွန်း၊ သက်လွင်ဝင်း၊ ရှက်ဗ်ကော့စကီး၊ ဂျီနိုစီယမ်၊ ပြည့်ဖြိုးအောင်၊ ရန်အောင်ကျော်၊ ရာဇာဝင်းသိန်း၊ အောင်မိုး၊ ကျော်ကိုကို၊ ကိုနေး၊ ဆီဇာတို့ဖြင့် (၄-၄-၂)ပုံစံ
ခင်းကျင်း ပွဲထွက်လာခဲ့သည်။ နေပြည်တော်တွင်မူ ကိုရီးယား တိုက်စစ်မှူး ဆင်မ် တစ်ဦးတည်းကို အထောင်ထားခဲ့ပြီး ကွင်းလယ်မှ ခိုင်ထူး၊ ကိုနေး၊ ဇော်ထက်အောင်၊ ခွန်ဇေယျာထွန်း၊ လတ်ကိုကိုအေး တို့ဖြင့် ၀န်းရံကာ ခံစစ်ကြောင်းတွင် တင်ဇော်မိုး၊ မာရှယ်၊ မိုးဝင်း၊ ချစ်စမ်းမောင် တို့ကို တာဝန်ပေးကာ ဂိုးသမားအဖြစ် ဗန်လားဟရွယ်ကို အသုံးပြုခဲ့သည်။



ပွဲအစပိုင်းတွင် နှစ်သင်းစလုံး ကစားကွက် မမိဘဲ ကွင်းလယ်တွင် ဘောလုံး အပျက်များနေသောကြောင့် ပွဲက အနည်းငယ် အေးနေခဲ့သည်။ ပွဲချိန် (၁၀)မိနစ် တွင်မူ ယခုပွဲ၏ ပထမဆုံး ဂိုးပေါက်ခြိမ်းခြောက်မှု အဖြစ် ရန်ကုန်တို့ နေပြည်တော် ဧရိယာ အစပ်မှ ပြစ်ဒဏ်ဘော ကန်ခွင့်ရသော်လည်း ဆီဇာ၏ ကန်သွင်းချက် ဂိုးဘားကို ကပ်၍ ကျော်သွားခဲ့သည်။ ပွဲချိန် (၁၂)မိနစ်နှင့် (၂၀) မိနစ်များတွင် ရန်ကုန် တိုက်စစ်မှူး ကိုနေး (၂)ကြိမ်ဆက် အပိုင်အခွင့်အရေးများ ရခဲ့သော်လည်း ကိုနေး၏ ကန်သွင်းမှုများမှာ ဂိုးပေါက်နှင့် လွဲချော်နေခဲ့သည်။ ထိုအချိန်များအတွင်း ရန်ကုန်မှာ ကစားကွက် အသာစီး ရရှိခဲ့ခြင်း မရှိသော်လည်း ဂိုးပေါက် ခြိမ်းခြောက်မှုတွင် နေပြည်တော်ထက် အသာရခဲ့ခြင်း ဖြစ်သည်။ နေပြည်တော် အသင်းသည် ရန်ကုန်ကို ပြန်လှန်ဖိအားပေး ကစားနိုင်သော်လည်း ဖန်တီးမှု အားနည်းသည့် တိုက်စစ်ပိုင်းကြောင့် အခွင့်အရေးတော့ မယ်မယ်ရရ ရရှိခဲ့ခြင်း မရှိခဲ့ပေ။ ပွဲချိန် (၂၅)မိနစ်တွင် ခိုင်ထူးနှင့် ချစ်စမ်းမောင်တို့၏ ဘယ်တောင်ပံ တွဲလုံးမှ တိုက်စစ်သို့ လိုက်ပါလာသည့် ချစ်စမ်းမောင်က ရန်ကုန် ဂိုးဧရိယာအတွင်း လှလှပပ ဖြတ်ခင်းပေးသော်လည်း တွဲတက်လာသည့် ဆင်မ် အနည်းငယ် နောက်ကျခဲ့သည်။ (၃၄)မိနစ်တွင်လည်း ခိုင်ထူး ဘယ်ခြမ်းမှ ဆွဲဝင်ကာ ရှက်ဗ်ကော့်စကီးကို အယောင်ပြ ကန်သွင်းချက် ကောင်းမွန်သော်လည်း ဂိုးပေါက် လွဲချော်ခဲ့သည်။ ရန်ကုန်နှင့် နေပြည်တော်တို့သည် ပထမပိုင်းတွင် ထိရောက်သည့် တိုက်စစ်ဆင်မှုများ ပြုလုပ်နိုင်ခြင်း နည်းပါးခဲ့ပြီး ကွင်းလယ်တွင်သာ ဘောလုံး အပျက်များနေခဲ့သည်ကို တွေ့ရသည်။

ပထမပိုင်းတွင် ဂိုးမရခဲ့သည့် ရန်ကုန်သည် ဒုတိယပိုင်းတွင်မူ တိုက်စစ်ကို ပိုမိုအသားပေး ကစားလာခဲ့သည်။ ပွဲချိန် (၅၄)မိနစ်တွင် အောင်မိုးဖန်တီး ပေးရာမှ ဆီဇာလွတ်ထွက်
သွားသော်လည်း တွန့်ဆုတ်နေသောကြောင့် အခွင့်အရေးကို အသုံးမချ နိုင်ခဲ့ပေ။ ဆက်တိုက် ဆိုသလိုပင် ရာဇာဝင်းသိန်း ဖန်တီးပေးရာမှ ဆီဇာပင် ကန်ခွင့်ရခဲ့သော်လည်း ဂိုးသမား
ဗန်လားဟရွယ် လက်စွမ်းပြ ကာကွယ်သွားခဲ့သည်။ ပွဲချိန် (၅၆)မိနစ်တွင်မူ ရန်ကုန်တို့ အဖွင့်ဂိုး ရရှိသွားခဲ့သည်။ ဆီဇာကြောင့် ရရှိသည့် ထောင့်ကန်ဘောကို ရာဇာဝင်းသိန်း
ကန်တင်ပေးခဲ့ရာ ကျော်ကိုကိုက နေပြည်တော် နောက်ခံလူများအကြားမှ ပါးပါးနပ်နပ်ဖြင့် ခေါင်းတိုက်သွင်းသွား ခဲ့ခြင်း ဖြစ်သည်။ ဦးဆောင်ဂိုး ပေးလိုက်ရသည့် နေပြည်တော်တို့ ချေပဂိုး ပြန်လည် သွင်းယူနိုင်ရေး အတွက် ကြိုးပမ်းလာခဲ့ပြီး ပွဲချိန် (၇၀)မိနစ်တွင်မူ နေပြည်တော်တို့ အတွက် တစ်ပွဲလုံးတွင် အကောင်းဆုံး အခွင့်အရေး တစ်ရပ် ရရှိခဲ့သည်။ တန်ပြန်တိုက်စစ်မှ ရန်ကုန်နောက်ခံလူများ အဆင်သင့် မဖြစ်ချိန်တွင် ညာခြမ်းမှ ဇော်ထက်အောင် လှလှပပ ဝေ့၀ိုက် ခင်းပေးခဲ့သော်လည်း ပြေးတက်လာသည့် ကိုနေး ခေါင်းတိုက်ချက် လွဲခဲ့သလို ကိုနေးနောက်မှ ပါလာသည့် မင်းမင်းထွန်း၏ ပိတ်သွင်းချက်မှာလည်း ဂိုးဘားကို ထိခဲ့သောကြောင့် နေပြည်တော်တို့ ချေပဂိုး ရနိုင်သည့် အခွင့်အရေး တစ်ရပ်ကို လက်လွှတ်ခဲ့ရသည်။ ပွဲချိန် (၇၃)မိနစ်တွင်မူ ရန်ကုန်တို့ ဒုတိယဂိုး ရခဲ့ပြန်သည်။ နေပြည်တော် နောက်ခံလူ၏ ပေါ့ဆမှုမှ ကျော်ကိုကို ရရှိသွားပြီး အသာအယာ မတင်ပေးသည်ကို ကိုနေး လွတ်လွတ်ကျွတ်ကျွတ် ခေါင်းတိုက်ရာ ခေါင်းနှင့် မထိခဲ့သော်လည်း ပုခုံးနှင့်ထိကာ ဂိုးဝင်သွားခြင်း ဖြစ်သည်။ ဒုတိယဂိုး ရရှိပြီးနောက်တွင် ရန်ကုန်တို့ လူစားလဲမှုများ ပြုလုပ်ကာ ပွဲကိုထိန်းကစားခဲ့သည်။ နေပြည်တော် အနေဖြင့် ချေပဂိုး ပြန်လည်သွင်းယူနိုင်ရေး ကြိုးပမ်းခဲ့သော်လည်း ရန်ကုန် ခံစစ်ကြောင်း၏ သပ်သပ်ရပ်ရပ် ရှင်းထုတ်နေမှုများကို မကျော်ဖြတ်နိုင် ခဲ့သောကြောင့် ပွဲအပြီးတွင်
ရှုံးနိမ့်ခဲ့ရသည်။ ရန်ကုန်သည် ယခုပွဲ အနိုင်ကြောင့် ဇေယျာရွှေမြေ၏ ရှုံးနိမ့်မှုကို အခွင့်ကောင်း ယူနိုင်ခဲ့ပြီး အမှတ်ပေးဇယား ထိပ်ဆုံးနေရာကို ပြန်လည် ရယူနိုင်ခဲ့သည်။
@soccermyanmar

[Hlu Maw]

ဒါဘီပွဲကို အနိုင်ယူပြီး ရလဒ်ဆိုးထဲက ရတနာပုံ ရုန်းထွက်နိုင်ခဲ့ပြီ

ရလဒ်ဆိုးများကြောင့် နည်းပြချုပ်ကိုပင် ရာထူးမှ ဖယ်ရှားသည်အထိ အပြောင်းအလဲများ ပြုလုပ်ခဲ့ရသည့် ရတနာပုံ အသင်းသည် မြန်မာနေရှင်နယ်လိဂ် ပွဲစဉ်(၅)အဖြစ် ဗထူးကွင်းတွင် အိမ်နီးချင်းပြိုင်ဘက် ဇေယျာရွှေမြေကို အနိုင်ယူကာ ရလဒ်ဆိုးများထဲမှ ရုန်းထွက်နိုင်ခဲ့ပြီး အသင်းအတွက် လိုအပ်သည့် စိတ်ဓါတ်ခွန်အားကို ပြန်လည် ရယူနိုင်ခဲ့သည်။

ရတနာပုံအတွက် သီဟစည်သူ၊ ရဲဝင်းအောင်၊ ဇော်မင်းထွန်း၊ ဒီဂျန်၊ နီမောင်မောင်အောင်၊ အောင်မြင့်အေး၊ အောင်ကျော်မိုး၊ ရန်အောင်ဝင်း၊ ပိုင်စိုး၊ ကောင်းစည်သူ၊ ရန်ပိုင် ကိုယ်စားပြုပွဲထွက်လာခဲ့ သည်။ ဇေယျာရွှေမြေတွင် မင်းနောင်၊ မင်းသူ၊ ဇော်လင်းထွန်း၊ အောင်ဟိန်းကျော်၊ ဝေဖြိုးလွင်၊ အောင်ချမ်းမိုး၊ ချူကွာဇူ၊ မျိုးမင်းဇော်၊ နိုင်စိုးဝေ၊ စိုးပိုင်သွေး၊ ဆာဆာတို့ ပွဲထွက်ကစားခဲ့ သည်။ ဇေယျာရွှေမြေမှ အောင်ချမ်းမိုးမှာ ရတနာပုံ ကစားသမားဟောင်း တစ်ဦးဖြစ်ပြီး အသင်းဟောင်းကို ပြန်လည် ရင်ဆိုင်ခြင်း ဖြစ်သည်။ ဇေယျာရွှေမြေတွင် အဓိက နောက်ခံလူ မာတင် မပါဝင်ခဲ့သလို၊ ရတနာပုံတွင်လည်း ပေါ်လိုနှင့် လီနော့ တို့ အရံစာရင်းတွင်သာ ပါဝင်ခဲ့ပြီး ကွင်းလယ်လူ ဇိုရန်မှာ အရံစာရင်း၌ပင် ပါဝင်ခြင်း မရှိခဲ့ကြောင်း သိရသည်။


ကောင်းစည်သူ၏ အဖွင့်ဂိုး


ကစားသမားဟောင်း ဒီဂျမ်မှလွဲ၍ နိုင်ငံခြားသား ကစားသမားသစ်များ ပွဲထွက်ပါဝင်လာခြင်း မရှိသည့် ရတနာပုံသည် ယခုပွဲတွင် ခြေစွမ်းပြ ကစားနိုင်ခဲ့ပြီး တိုက်စစ်ဆင်မှုများကိုလည်း
ပြုလုပ်နိုင်ခဲ့သည်။ ပွဲအစ (၃)မိနစ်မှာပင် ရတနာပုံ ကွင်းလယ်လူ အောင်မြင့်အေး ဧရိယာ အပြင်မှ အပြင်းကန်ချက် ကောင်းမွန်သော်လည်း ဂိုးဘေးမှ ကပ်ထွက်သွားခဲ့သည်။ ရတနာပုံသည် ပွဲအစ (၁၀)မိနစ်ခန့်အထိ ဇေယျာရွှေမြေကို တစ်ဘက်သတ်နီးပါး ဖိအားပေး တိုက်စစ်ဆင် ကစားနိုင်ခဲ့သည်။ ပွဲချိန် (၁၀)မိနစ် နောက်ပိုင်းတွင်မူ ဇေယျာရွှေမြေတို့ ကစားကွက် ပြန်လည် တည်လာနိုင်ခဲ့ ပြီး ရတနာပုံဘက်သို့ ပြန်လှန် ဖိအားပေးလာနိုင်ခဲ့သည်။ (၁၈)မိနစ်တွင် ထောင့်ကန်ဘောမှ အောင်ဟိန်းကျော် ပိတ်သွင်းခဲ့သော်လည်း ဂိုးဘားပေါ် ကျော်သွားခဲ့သောကြောင့် ဇေယျာတို့ နစ်နာခဲ့ရသည်။ နှစ်သင်း အပြန်အလှန် တိုက်စစ်ဆင် ကစားနေရာမှ ပွဲချိန် (၂၄)မိနစ်တွင်မူ ရတနာပုံတို့ ဦးဆောင်ဂိုး ရရှိခဲ့သည်။ ထိုဂိုးကို ကွင်းလယ်တောင်ပံကစားသမားပိုင်စိုး ၏ ဖြတ်တင်ဘောမှ  ယနေ့ပွဲတွင် ပွဲထွက်ခွင့် ရရှိခဲ့သည့် မြန်မာ့လက်ရွေးစင် တိုက်စစ်မှူး ကောင်းစည်သူက သူ၏ ရတနာပုံအတွက် ပထမဆုံး ဂိုးကို လှလှပပ ခေါင်းတိုက် သွင်းယူ ခဲ့ခြင်း ဖြစ်သည်။ ပထမပိုင်း လက်ကျန်မိနစ်များတွင် နှစ်သင်းစလုံး အပြန်အလှန် တိုက်စစ်ဆင်ရင်း အခွင့်အရေး ကိုယ်စီရခဲ့ကြသော်လည်း အသုံးမချ နိုင်ခဲ့သောကြောင့် ဂိုးသွင်းယူနိုင်ခြင်း မရှိဘဲ ပထမပိုင်း အပြီးတွင် ရတနာပုံက အနိုင်ရနေခဲ့သည်။ ပထမပိုင်းတွင် ကောင်းစည်သူ၏ သွင်းဂိုးဖြင့် ဦးဆောင်နေခဲ့သည့် ရတနာပုံသည် ဒုတိယပိုင်း ပြန်စပြီး မကြာမီတွင် ဒုတိယဂိုးကို ရရှိခဲ့သည်။ ထိုဂိုးကို ရတနာပုံ၏ မရှိမဖြစ် ကစားသမား တစ်ဦးဖြစ်သည့် ရန်ပိုင်က ပိုင်စိုး၏ ဖြတ်တင်ဘောမှပင် ခေါင်းတိုက် အဆုံးသတ်ခဲ့ခြင်း ဖြစ်သည်။ ပြည်တွင်း ကစားသမား အများစုဖြင့် ပွဲထွက်ခဲ့သည့် ရတနာပုံသည် ယခုပွဲတွင် အကောင်းဆုံး ခြေစွမ်းပြနိုင်ခဲ့ပြီး ဇေယျာရွှေမြေ၏ တိုက်စစ်ဆင်မှုများကိုလည်း ထိန်းချုပ်နိုင်ခဲ့သည်။ ဇေယျာရွှေမြေ အနေဖြင့် ဂိုးပေးရပြီး နောက်ပိုင်းတွင် ရဲလင်းအောင်၊ စည်သူဝင်းတို့ကို ထည့်သွင်းကာ တိုက်စစ်မြင့်ခဲ့သော်လည်း ပုံစံကောင်းရနေသည့် ရတနာပုံ ခံစစ်ကိုမူ ကျော်ဖြတ်နိုင်ခဲ့ခြင်း မရှိသောကြောင့် ပွဲအပြီးတွင် အညာဒါဘီပြိုင်ဘက် ရတနာပုံကို ရှုံးနိမ့်ခဲ့ရသည်။ ရတနာပုံမှာလည်း ယခုပွဲ အနိုင်ကြောင့် အိမ်ကွင်း ပထမဆုံး  နိုင်ပွဲကို ရယူနိုင်ခဲ့ပြီး ရလဒ်ဆိုးရွားမှုများ ထဲမှ ရုန်းထွက်နိုင်ခဲ့ပြီ ဖြစ်သည်။ ဇေယျာရွှေမြေသည် ယခုရှုံးပွဲကြောင့် (၂)ပတ်ကြာ ရယူထားခဲ့သည့် အမှတ်ပေးဇယား ဦးဆောင်သူ နေရာကို ရန်ကုန် ယူနိုက်တက်သို့ပြန်လည် လွှဲပြောင်း ပေးခဲ့ရသည်။

တစ်ပြိုင်တည်း ယှဉ်ပြိုင်ကစားခဲ့သည့် ပွဲများတွင် ဧရာဝတီက ရခိုင်ယူနိုက်တက်ကို အနိုင်ရခဲ့ပြီး မကွေးကလည်း ဆောက်သမ်းမြန်မာကို အနိုင်ရရှိခဲ့သည်။ အောင်ဆန်းကွင်းတွင် ကျင်းပခဲ့သည့် ဧရာဝတီ နှင့် ရခိုင်တို့၏ ပွဲစဉ်တွင် ဧရာဝတီက တိုက်စစ်မှူး လီအန်ဒရို၊ နေလင်းထွန်းတို့၏ သွင်းဂိုးများဖြင့် ရခိုင်ယူနိုက်တက်ကို အနိုင်ရခဲ့သည်။ ဧရာဝတီအတွက် အဖွင့်ဂိုးကို ပွဲချိန် (၅၃)မိနစ်တွင် တိုက်စစ်မှူး လီအန်ဒရိုက သွင်းယူပေးခဲ့ခြင်း ဖြစ်သည်။ လီအန်ဒရိုသည် ယခုပွဲတွင်မှ ဧရာဝတီအတွက် အဖွင့်ဂိုးကို သွင်းယူနိုင်ခဲ့ခြင်း ဖြစ်သည်။ ပွဲသိမ်းဂိုးကိုမူ လူငယ်တိုက်စစ်မှူး နေလင်းထွန်းက နာကျင်အချိန်ပို (၂)မိနစ်တွင် သွင်းယူပေးခဲ့ခြင်း ဖြစ်သည်။

သုဝဏ္ဏကွင်းတွင် ကျင်းပခဲ့သည့် ဆောက်သမ်း မြန်မာနှင့် မကွေးတို့၏ပွဲတွင်လည်း မကွေးက (၁-၂)ဂိုးဖြင့် အနိုင်ရခဲ့သည်။ မကွေးအသင်းသည် ကွင်းလယ်လူ ဆက်တ်၏ ပွဲချိန် (၂၄)မိနစ်နှင့် (၃၂)မိနစ်များတွင် သွင်းယူခဲ့သည့် ဂိုးများဖြင့် ဆောက်သမ်းမြန်မာကို ဦးဆောင်နိုင်ခဲ့သည်။ ချေပဂိုးများ ပြန်လည် သွင်းယူနိုင်ရန် ကြိုးပမ်းခဲ့သည့် ဆောက်သမ်းသည် ပွဲချိန် (၇၄)မိနစ်တွင် ကွင်းလယ် ကစားသမား ရဲထွန်းနိုင်ကချေပဂိုးတစ်ဂိုး ပြန်လည် သွင်းယူနိုင်ခဲ့သော်လည်း ဒုတိယဂိုး ထပ်မံသွင်းယူ ချေပနိုင်ခြင်း မရှိတော့သောကြောင့် ပွဲအပြီးတွင် မကွေးက အနိုင်ရသွားခဲ့သည်။
@soccermyanmar